تەنیا مەرج، تا نرخ نەفت باێدەو ئەرا بان ٦٠ دۆلار
شەفەق نیوز/ پسپۆرەیل پێشبینی کەن ک نرخ نەفت باێدەو ئەرا بان ئاست ٦٠ دۆلار وەل کۆتایی ساڵ هاتگ، بەڵکم وەمەرج گەشەکردن رەوش ئابووری وەشیوەیگ خاس، له‌شوون ئه‌وه ك جهان زیان دی وه‌هۆکار قەیران کۆڕۆنا.
کیڕات کیلمبتۆف وەڕیەوبەر ناوەند دارایی ناودەوڵەتی ( ئەستانا) وت؛ یە یەکەم جارە ک ئی تێکەڵەی قیرانەیلە لە دارایی وئابووری وپەتایی باێدەدی، بڕواش دیرم بەڵکم لە کۆتایی ساڵ هاتگ یەک بەرمیل نەفت تا ئاست ٦٠ دۆلار زیاتر بوود، ، وەمەرج گەشەکردنیگ فرە خاس لە رەوشەگە. خوازم بخەمە هویردان ک ئیمە لە ساڵه‌یل ٢٠١٤ ، ٢٠١٥ باس کردیمن ك شایەت کەی نرخ نەفت باێدەو ئەرا ١٠٠ دۆلار لە بەرمیلیگ! بەڵکم ئیسە باس ئەوە کەیمن ئایا تیەێدەو ئەرا ٦٠ دۆلار؟، ئەوەیش جوور پێشکەشیگ لە ئاسمان دانریەێد. پسپۆرەگە ئاماژە دا، ک داوای روژانە لەبان نەفت و گاز دویای قەیرانەگە کەمەوبویه ره‌سیه‌سه ٢٠ مەلیۆن بەرمیل لە روژیگ.
