تۆماركردن كه‌مترين حاڵه‌ت مردن وه ڤايرۆس كۆرۆنا له چين
شه‌فه‌ق نيوز/ شماره‌ى حاڵه‌ته‌يل مردن له‌ئه‌نجام تويشهاتن وه ڤايرۆس كۆرۆنا له چين به‌رزه‌و بوێ ئه‌را 2744 حاڵه‌ت، ئه‌ويش دوياى ئه‌وه‌گ له 24 سه‌عات گوزه‌يشت 29 حاڵه‌ت مردن تۆمار كريا وه‌و ڤڤايرۆسه، يه‌يش كه‌مترين ئاماريگه له حاڵه‌ته‌يل مردن ك تۆمار كريا له وڵاته‌گه ئه‌را ماوه‌ى نزيكه‌ى مانگيگه.
له‌ى باوه‌ته‌و، ليژنه‌ى ته‌ندروستى نيشتمانى له ئامار رووژانه‌ى له‌باره‌ى ڤڤايرۆس كۆرۆنا وت: ئه‌وانه‌گ تا ئمڕوو تويش ڤايرۆسه‌گه هاتنه له چين وه‌بى هۆنگ كۆنگ و ماكاو به‌رزه‌و بويه ئه‌را 78،497 كه‌س دوياى ئه‌وه‌گ له 24 سه‌عات گوزه‌يشت 433 حاڵه‌ت تويشهاتن تۆمار كريا.
جى باسه، زياتر له 40 ده‌وڵه‌ت و ناوچه ئاشكراى تويشهاتن وه‌ى ڤايرۆسه كردن و ك له‌ى دوياخريشه ئه‌را يه‌كه‌مجار له به‌رازيل و پاكستان و نه‌رويج و يۆنان و رۆمانيا و جه‌زايريش كه‌فته‌وه.
