تویشهاگەیل کۆڕۆنا لە جیهان ٤ مەلیۆن رەدکرد
2020-05-10T13:20:31+00:00
وەگورەی قسەی زانکۆی جۆنز هۆبکینز ئەمریکی ، هەژمار تویشهاتگەیل ڤاێڕۆس کۆڕۆنا لە جیهان ٤ مەلیۆن کەس رەدکرد. زانکۆەگە ک وە سه‌رچەویگ ئەرا بڵاوبوین هه‌واڵ پەتاگە دانریاس، رەوانگەی ٤ مەلیۆن و ٢٤٧٣٧ تویشهاتگ، وەزیایبوین ٨٩،٩ هەزاركه‌س لە ماوەی ٢٤ ساعەت دویاین کرد، ک ئاماژە وەکەمەوبوین وردیگ لە رێژەی تویشهاتنە روژانەگە کەێد، وه جیاوازی ٩٣،٨ هەزار لە روژ وەرینی.
مردگەیل رسینە ٢٧٩٣١١ هاڵەت، وخاسەوبویەیل زیاتر لە یەک مەلیۆن و ٣٧٠ هزار کەسن.
هیمان ئەمریکا لە لیست دوەڵەتە زەرەدمەندەگان وە ڤاێڕۆسەگە ، وە جیوازی فرەیگ ها نوای گشت . وە فرەتر لە یەک مەلیۆن و ٣٠٩ هەزار تویشهاتگ، ئیجا ئیسپانیا (٢٢٣،٥ هەزار) و ئیتالیا ( ٢١٨،٢) بریتانیا (٢١٦،٥ كه‌س) روسیا ها خانەی پەنجم وەدەور ١٩٨،٦ تویشهاتگ.
