تویشهاتگەیل کۆڕۆنا ٣،٣ مەلێۆن كه‌سه ومردگیش رەسیه ٢٥٠ هەزار
رێژەی تویشهاتگەیل کۆڕۆنا لە جیهان قواسەی ٣،٣ مەلێۆن کەس رەد کرد، و مردگیش بویە نزیک ٢٥٠ هەزار.
دانشگای ( جۆنز هۆبکینز) ؛ یەکیگ لە سەرچەوەیل خەوەر بڵاوبوین ڤاێڕۆسەگەس لە جیهان، ئمڕوو یەکشەممە، باس لەوە کرد ک پەتاگە ١٨٧ دەوڵەت گردیەسەو، و تویش ٣٣٤٤٤٠٢ کەس هاوردگە، و ٢٣٨٧٨٧ کەسیش کوشتگە.
بەیاننامەیل دانشگاگە دیاری ئەو دەوڵەتەیلە کرد ک فرەتر شکست خواردنە لە باوەت تویشهاتن ڤاێڕۆسەگە، ئەمریکا یەکەم هات وە ١١٠٣٧٨١ تویشهاتگ، ئینجا ئیسپانیا ٢١٣٤٣٥ ، ئیتاڵیا ٢٠٧٤٢٨، بڕیتانیا ١٧٨٦٨٥ ، فەڕەنسا ١٦٧٣٠٥ ، ئینجا ئەڵمانیا وە ١٦٤٠٧٧ تویشهاتگ.
هەژمارەگەیش ئەو وڵاتەیلە گردەو ک فرەترین مردگ وە ڤاێڕۆس کۆڕۆنا تۆمار کردنە، ک ئەمریکا یەکەم هاتیە لە ناو لیستەگە وە ٦٥٠٦٨ مردگ، ئینجا ئیتاڵیا ٢٨٢٣٦ م بڕیتانیا ٢٧٥٨٣ ، ئیسپانیا ٢٤٦٢٨ ، ئینجا فەڕەنسا وە ٢٤٥٤٣ مردگ.
لە کانون یەکەم ٢٠٢٠ جیهان کەفتیەسە وەرانوەر قەیران بڵاوبوین پەتای ڤاێڕۆس کۆڕۆنای نووەو بوی ، ک شکستەیل گەپیگ داس وە ئاباوری گشت وڵاته‌یل .
