تووشهاتنەیل کۆڕۆنا لەجهان لە ١٠٣ مەلیۆن رەد کەن
![تووشهاتنەیل کۆڕۆنا لەجهان لە ١٠٣ مەلیۆن رەد کەن](https://media.shafaq.com/media/arcella/1612248842239.jpg)
شەفەق نیوز/ ئاماریگ ئاشکرا کرد ک زیاتر لە ١٠٣،١٩ مەلیۆن کەس لە ئاست جهان تووش ڤایڕۆس کۆڕۆنا هاتنە، و گشت ژمارەی مردنەگان لەوەر پەتاگە رەسیە دوو مەلیۆن و ٢٣٣٥٥٦ .
تووشهاتنەیل کۆڕۆنا لە ٢١٠ دەوڵەت و ناوچە زیاتر تۆمار کریاگە.
ئەمریکا لە نوای دەوڵەتەگان بوی ک ٢٦٢٣٨٢١٨ تووشهاتن و ٤٤١٧١٨ مردن تۆمار کرد.
ئیجا هیند وە ١٠٧٥٧٦١٠ تووشهاتن و ١٥٤٣٩٢ مردن، ئیجا بەڕازیل وە ٩٢٢٩٣٢٢ تووشهاتن و ٢٢٥٠٩٩ مردن.
لە ئاست دەوڵەتە عەرەوەگان عراق لەنوای لیستەگە بوی وە ٦٢٠٦٢٠ تووشهاتن و ١٣٠٥٧ مردن، ئیجا مەغریب وە ٤٧١٤٣٨ تووشهاتن و ٨٢٨٧ مردن، ئیجا سعودیە وە ٣٦٨٣٢٩ تووشهاتن و ٦٣٧٩ مردن.