توركيا وه وشدارييه‌و جواو كۆنگرس داره‌و له‌باره‌ى دگانناين وه له‌ناوبردن ئه‌رمه‌نه‌يل
شه‌فه‌ق نيوز/ توركيا وه وشدارييه‌و جواو ئه‌نجومه‌ن پيره‌يل ئه‌مريكا داره‌و ك بڕياريگ گرته‌سه خوه‌ى و له‌تى دگان وه له‌ناوبردن وه‌جه‌م ئه‌رمه‌نه‌يل ناگه و وت: ئى گامه ئاينده‌ى په‌يوه‌نديه‌يل هه‌ردوگ وڵات ره‌سنێده مه‌ترسى.
له‌ى باوه‌ته‌و، فه‌خره‌دين ئاڵتون وه‌ڕيه‌وبه‌ر ره‌سانن له سه‌رۆكايه‌تى توركى، له تويته‌ر وت: ره‌فتار بڕيگ له ئه‌ندامه‌يل كۆنگرس ئه‌مريكى زه‌ره‌د وه په‌يوه‌نديه‌يل ناونى توركيا ئه‌مريكا ره‌سنێد و ئه‌و بڕيار ئه‌مريكييه ك ئمڕوو دريا له ئه‌نجومه‌ن پيره‌يله‌و ئاينده‌ى په‌يوه‌نديه‌يل دولايه‌نه‌مان ئه‌خاده مه‌ترسى.
ئاڵتون هه‌ميش وت: ئه‌و نوێنه‌ره‌يله ك ده‌نگدان له‌بان ئى بڕياره، ناويان له مێژوو مينێد وه ئه‌وه‌گ وه‌رپرسن له‌بان زه‌ره‌د ره‌سانن په‌يوه‌ندى ناونى دو ملله‌ت، جوور ئه‌وه‌گ ئاژانس فرانس پرێس باس له‌لى كرد.
