توركيا له‌باره‌ى"كۆرۆنا"مناى ئيران كرد و پيشوازى له شانده پزيشكيه‌گه‌ى ناكا
شه‌فه‌ق نيوز/ فه‌خره‌دين كوجا وه‌زير ته‌ندروستى توركيا، وت: ئيران پيشنياريگ وڵاته‌گه‌ى ره‌ته‌و كردگه له‌باره‌ى داخستن شار قوم، ك بويه‌سه سه‌رچه‌وه‌ى بڵاوبوينه‌وه‌ى ڤايرۆس كۆرۆنا.
كوجا وت: مه‌سه‌له‌ى داخستن ته‌ندروستى له‌باره‌ى شار قوم ئيرانى خستيمنه‌سه روێ، وه‌لێ ئيران وتگه مه‌سه‌له‌گه خواست نيه، ك ئيسه‌يش بڵاوبوينه‌وه‌ى ڤايرۆس كۆرۆنا فريه گورجه‌و بويه، باس له‌وه‌يش كرد ئيشه دووخه‌گه مه‌ترسيداره‌ه‌و بويه‌و ئيرانيش داواى ده‌سميه‌ت ئيمه ئه‌كه‌ن و داواى ئه‌وه كردنه شانديگ پزيشكى ره‌وامه‌ى توركيا بكريه‌ێد وه‌خاتر وه‌رگرتن زانيارى كرده‌وه‌يى له ئيمه، وه‌لێ ئيمه هاتن ئه‌و شانده ئه‌را توركيا ره‌ته‌و كرديمنه‌و وه‌پيان وتيمنه له‌ڕێ سكايبه‌و په‌يوه‌ندى ئه‌كه‌يم.
جى باسه، يه‌يش له‌وه‌ختيگه ده‌سڵاته‌يل ئيرانى ئاشكراى داخستن خوه‌ندنگايه‌يل و زانكۆيه‌يل كرد تا كووتايى ساڵ فارسى له 20 ئى مانگه.
