توركيا زيندانى سه‌ربازه‌يليگ كرد سزاێ سووريه‌يل دانه
2017-08-01T09:58:00+00:00
شه‌فه‌ق نيوز/ هووكاره‌يل ره‌سانن حكومى توركى ئاشكراێ ئه‌وه كردن ك دادگاێ توركى فه‌رمان زيندانيكردن 3 سه‌رباز له جه‌م 4 سه‌رباز ده‌ركردگه دوياێ ئه‌وه‌گ له گرته‌يگ ڤيديۆيى ده‌ركه‌فت ك سزاێ هاووڵاتيه‌يليگ سوورێ دانه ك هه‌وڵ دانه له‌ڕى مه‌رزه‌يل سوورييه‌و بان بچن وه‌ره‌و توركيا.
له‌ى باوه‌ته‌و، هووكاره‌يل ره‌سانن له زووان سه‌رچه‌وه‌يليگ له نوێنه‌رايه‌تى گشتى توركى، ئه‌وه ده‌رخستن ك دادگا 3 گومانليكرياێ زيندانى كردگه هانه زمه‌ت په‌يجورێ و چواره‌مينيان ئازاد كردگه.
جى باسه، سه‌رۆكايه‌تى ئه‌ركان گشتى توركى وه‌رجه دو رووژ ئاشكراێ گيرداينيان سه‌ربازه‌يليگ كرد ك مامڵه‌ى خراو وه‌ل هاووڵاتيه‌يل سوورێ كردنه له وه‌خت هه‌وڵداينيان ئه‌را چگن له مه‌رزه‌يل سووريه‌و ئه‌را ناو خاك توركيا وه شيوه‌يگ ناياسايى.
