توركيا ره‌گه‌زنامه‌ى ئه‌را فرووشتن نمايش ئه‌كا وه‌ى مه‌رجه‌يله
شه‌فه‌ق نيوز/ توركيا ئاشكراى ئاڵشتكاريه‌يل تازه‌يگ كرد له ياسايه‌يل ريكخرياگ له‌وه‌ر وه‌رگرتن ره‌گه‌زنامه وه ئامانج هانداين مه‌سه‌له‌ى وه‌به‌رهاوردن.
له‌ى باوه‌ته‌و، ئاژانس هه‌واڵه‌يل فه‌رمى باس له‌وه كردن ك وه گووره‌ى ياسايه‌يل تازه‌يگ ك بڵاو كريانه له رووژنامه‌ى فه‌رمى، بيگانه‌يل ماف ئه‌وه ديرن دو مليۆن دۆلار وه‌لاى كه‌مه‌و بخه‌نه كار يا موڵكيگ داشتوون ك نرخه‌گه‌ى له يه‌ك مليۆن دۆلار كه‌متر نه‌دێ، ئه‌ويش وه‌و مه‌رجه ئه‌را ماوه‌ى سێ ساڵ نه‌فرووشێده‌ى و مامڵه‌ى وه‌ده‌سهاوردن ره‌گه‌زنامه‌ى توركييش بكه‌ن.
جى باسه، ئى ڕى وشوونه‌يليشه جيوه‌جى له‌بان ئه‌و بيگانه‌يليشه ئه‌كريه‌ێد ك 3 مليۆن دۆلار ئه‌خه‌نه بانكه‌يل توركى وه‌و مه‌رجه ئه‌را ماوه‌ى 3 ساڵ نه‌كيشنه‌وه‌ى و جيوه‌جييش ئه‌دێ له‌بان وه‌به‌رهاوره‌يل بيگانه‌يش ك سه‌ك حكومى ديرن و ننرخه‌گه‌ى له 3 مليۆن دۆلار كه‌متر نيه ئه‌را ماوه‌ى 3 ساڵ.
