توركيا ره‌گه‌زنامه ئه‌ياده 40 هه‌زار موسڵمان ئه‌خاسكا
شه‌فه‌ق نيوز/ وه‌زاره‌ت خارجيه‌ى توركيا، ئاشكراى ئه‌وه كرد ره‌گه‌زنامه داسه 20 هه‌زار كه‌س له موسڵمانه‌يل ئه‌خاسكاو وه‌ى نزيكه‌يله ره‌گه‌زنامه ئه‌ياده 20 هه‌زار تر.
مه‌ولود چاويش ئۆغلۆ وه‌زير خارجيه‌ى توركيا له وه‌خت به‌شداريكردن له خوانيگ ده‌مه‌وكردن ك له‌لايه‌ن نوێنه‌ره‌يل تورك ئه‌خاسكا له‌شار شيمكنت له باشوور كازاخستان ريكخريا، وت: شماره‌ى توركه‌يل ئه‌خاسكا له توركيا ئه‌ڕه‌سێده نزيكه‌ى 40 هه‌زار كه‌س و ئاماژه وه‌يه‌يش كرد توركيا تائيسه ره‌گه‌زنامه وه نيمه‌يان داگه.
جى باسه، چاويش ئۆغلۆ هه‌ميش وت: نه‌ته‌وه‌ى ئه‌خاسكا نه‌فى كريانه ئه‌را ناوچه‌يل جياجيا وه‌رجه 75 ساڵ و ئه‌و خوه‌شگوزه‌رييشه به‌رز نرخان ك توركه‌يل ئه‌خاسكا له كازاخستان له‌تى ژيه‌ن و قه‌وڵ ئه‌وه‌يش دا وڵاته‌گه‌ى وه‌رده‌وام بدێ له پيشكه‌شكردن ده‌سميه‌ت ئه‌را توركه‌يل ئه‌خاسكا وه‌تايبه‌ت ئه‌وانه‌گ ناچار بوين ئاواره بوون له شوون و ماواى خوه‌يان وه بوونه‌ى ناكووكى و كيشمه‌كيشه‌يل ئۆكرانيا.
