توركيا داواى نه‌فت زياتر عراقى ئه‌كا
شه‌فه‌ق نيوز/ وه‌زير نه‌فت عراقى ئاشكراى ئه‌وه كرد ئه‌نقه‌ره داواى بڕ زياتريگ له نه‌فت كردگه ك له به‌غدا ئه‌سينێده، ئه‌ويش دوياى بڕيار ئه‌مريكى له‌باره‌ى كوتاييهاوردن وه به‌خشين بڕيگ له ده‌وڵه‌ته‌يل و له‌وانه‌يش توركيا ك نه‌فت له ئيران سه‌ندن.
له‌و باوه‌ته‌و، سامر غه‌زبان وه‌زير نه‌فت عراقى له باسيگ ئه‌را رووژنامه‌نويسه‌يل ئاشكراى دامه‌زرانن هێڵيگ تازه‌ى نه‌فتى كرد ئه‌را فشارداين نه‌فت له سه‌رچه‌وه‌يل نه‌فتى كه‌ركوكه‌و وه‌ره‌و توركيا.
غه‌زبان جه‌ختيش له‌وه كرد وه‌زاره‌ته‌گه رێ و شوونه‌يل خواست له‌وه‌ر گرتگه ئه‌را هه‌ر حاڵه‌تيگ نه‌خوازرياێ له ناوچه‌گه له‌ساى زيايبوين گرژيه‌يل ناونى ئيران و ئه‌مريكاو ئاماژه وه‌يه‌يش كرد كۆمپانيايه‌يل نه‌فت جه‌هانى وه‌شيوه‌يگ ئاسايى كاره‌يل خوه‌يان له عراق ئه‌نجام ئه‌يه‌ن و سه‌رچه‌وه‌يل نه‌فتى له باشوور وڵات تا باكوورى وه‌شيوه‌ى خاسيگ ئه‌مان كريانه.
