توركيا ئه‌را وساننه‌وه‌ى پروسه‌ى سه‌ربازێ له‌ ناوچه‌گه‌ مه‌رجيگ ديرێد

توركيا ئه‌را وساننه‌وه‌ى پروسه‌ى سه‌ربازێ له‌ ناوچه‌گه‌ مه‌رجيگ ديرێد
2019-10-22T09:48:14+00:00

شه‌فه‌ق نيوز/ ئبراهيم كاڵن قسه‌كه‌ر وه‌ناو سه‌رۆكايه‌تى توركيا، باس له‌وه‌ كرد وڵاته‌گه‌ى قه‌وڵ وساننه‌وه‌ى پرووسه‌ى سه‌ربازێ داگه‌ له‌ باكوور خوه‌رهه‌ڵات سوريا له‌ حاڵه‌تيگ ئه‌گه‌ر توركيا ته‌ئكيد كرد له‌ خوه‌يكيشانه‌وه‌ى چه‌كداره‌يل كورد له‌ ناوچه‌گه‌ وه‌ ته‌واوى.

 

كاڵن له‌ باسيگ ئه‌را رووژنامه‌ى "دويتشه فيله"ى ئه‌ڵمانى وت: ريككه‌فتن توركيا و ئه‌مريكا له‌باره‌ى ئاگربه‌س له‌ باكوور خوه‌رهه‌ڵات مينێده‌ بان وساننه‌وه‌ى جه‌نگ له‌ قوناغ يه‌كه‌م و خوه‌يكيشانه‌وه‌ى چه‌كداره‌يل پارت كارگه‌ره‌يل كوردستان و يه‌كه‌يل پاسه‌وان ملله‌ت له‌ ناوچه‌ى ئارام له‌ قۆناغ دويه‌م.

 

كاڵن باس له‌وه‌يش كرد چه‌كداره‌يل كورد بيس جار ئه‌و ريككه‌فنه‌ شكاننه‌ له‌ڕێ ته‌قه‌كردن قه‌ناسه‌يل و په‌لاماره‌يل مووشه‌كى و جه‌ختيش له‌وه‌ كرد سه‌ربازيگ توركيا له‌و ته‌قه‌يله‌ كوشياگه‌، باس له‌وه‌يش كرد رێ وه‌ خوه‌يكيشانه‌وه‌ى چه‌كداره‌يل كورد درياگه‌ له‌ ناوچه‌گه‌ وه‌ وه‌كارهاوردن 86 سه‌ياره‌و سه‌ياره‌ى ئه‌مپوڵانس و هويچ رويداگيگ له‌ خوه‌يكيشانه‌وه‌ روێ نه‌ياگه‌و ئوميد ئه‌وه‌يش خواست يه‌كه‌يل پاسوان ملله‌تيش وه‌ ته‌واوى ناوچه‌گه‌ بيلنه‌جێ تا پرووسه‌ى سه‌ربازى وه‌گووره‌ى ريككه‌فتن بووسيه‌ێد.

Shafaq Live
Shafaq Live