توركيا ئاماده‌گى خوه‌ى وه‌رگرێد ئه‌را سزايه‌يل ئه‌گه‌ركرياێ ئه‌مريكى
شه‌فه‌ق نيوز/ خڵوسى ئاكار وه‌زير وه‌رگرى توركى باس له‌وه كرد توركيا ئاماده‌گى خوه‌ى وه‌رئه‌گرێد ئه‌را سزايه‌يل ئه‌گه‌ركرياێ ئه‌مريكى وه بوونه‌ى سه‌ندن سيسته‌م وه‌رگرى رووسى ئێس 400، ك هه‌رچه‌نى يه‌يش ده‌رخست ك جووريگ له نه‌رمى له‌گفتگووه‌يل وه‌ل وڵاته‌يل يه‌كگرتگ وجوود ديرێد.
ئاكار ئه‌را رووژنامه‌نويسه‌يل وت: توركيا پابه‌ند ئه‌دێ وه پرووژه‌ى ئێف 35 و ئه‌نقه‌ره پيشبينى ئه‌كا به‌رنامه‌گه وه‌رده‌وام بدێ جوور ئه‌وه‌گ پلان ئه‌راى دانرياگه‌و ئاماژه وه‌يه‌يش كرد ك سه‌ندن سيسته‌مه‌يل ئێس 400ى رووسى ئامانجيگ له‌لێ نيه ته‌نيا له‌وه‌ر پڕه‌وكردن هه‌وه‌جه‌يل وه‌رگرێ توركيه‌و هويچ هه‌ڕيشه‌يگيش نيه.
جى باسه، وه‌زير وه‌رگرى توركيا هه‌ميش وت: گفتگووه‌يلمان وه‌ل وڵاته‌يل يه‌كگرتگ نه‌رمى وه‌خوه‌يه‌و ديه وه‌ل نزيكه‌وبوين له مه‌سه‌له‌يليگ له‌وانه‌يش مه‌سه‌لى خوه‌رهه‌ڵات فورات و ئێف 35 و مووشه‌كه‌يل پاتريۆت.
