توركه‌يل ده‌سكردنه ده‌نگداين له هه‌ڵوژاردنه‌يل سه‌رۆكايه‌تى و په‌رله‌مانى
2018-06-24T07:04:00+00:00
شه‌فه‌ق نيوز/ هاووڵاتيه‌يل تورك ده‌سكردنه ده‌نگداين، له هه‌ڵوژاردنه‌يل سه‌رۆكايه‌تى و په‌رله‌مانى جوور سه‌ره‌تاێ رژێميگ تازه ئه‌را سه‌رۆكايه‌تى جيوه‌جيكار بته‌ويگ ك ئه‌ردوغان ماوه‌يگ فريه‌يگه هه‌وڵ ئه‌راى ئه‌ياد.
له‌ى باوه‌ته‌و، محه‌مه‌ڕه‌م ئينجه كانديد ئه‌را سه‌رۆكايه‌تى له‌بان حزب ملله‌ت كۆمارێ علمانى له وته‌يگى له ئه‌سته‌مبوڵ قه‌وڵ كووتاييهاوردن توركيا وه‌ره‌و حوكم سته‌مكارێ دا له‌ساى ئه‌ردوغان، جوور ئه‌وه‌گ روێته‌رز باسى كرد.
جى باسه، ده‌نگداين توركيا له سه‌عات هه‌يشت ده‌مه‌و شه‌وه‌كى ده‌سوه‌پيكرد و له سه‌عات په‌نج ئيواره كووتايى وه‌پى ئه‌ياد و شماره‌ى ئه‌و كه‌سه‌يليشه ك ماف ده‌نگدان ديرن نزيكه‌ى 60 مليۆن كه‌سه له جه‌م 81 مليۆن كه‌س له توركيا.
