تورکیا لەبان رویداو وە ئامانجگردن بینای کۆنسۆلخانەی عراق لە ئیستەنبول قسەکەێد

شەفەق نیوز/ قسەکەر وەزارەت دەرەوەی تورکیا ئەونجو کتشالی، دووپاتکرد دویەشەو جومعە،کەسەیل نەناسریایگ وەبان ماتووڕسکیل تەقە لەبینای کۆنسۆلخانەی گشتی عراق لەئیستەنبول کردنە.

کتشالی لە بەیاننامەیگ وت، لە ئەنجام رویداوگە کەس زەخمدار یا زەرەد نەدیە، وەپای ئاژانس فەرمی تورکیا "ئەنادۆل".

ئاشکرایکرد، یەکەیل ئەمنی دەسکردنەس  وە دێکۆڵینەوەی هویردیگ، کارکەن ئەرا دیاریکردن ناسنامەی تاوانبار، دەنەیانە دەس دادگا.

دووپاتکرد، هەمیشە هانە پەیوەنی وەردەوام وەرد دەسڵاتدارەیل عراق لەباوەت رویداوەگە، دیاریکرد داسڵاتدارەیل تورکیا گشت رێکاریگ  پێویست گرنەوەر ئەرا ئاسایش نوێنەرەیل دیبلۆماسی عراقیەیل لە ئەنقەرە و ئیستەنبول و غازی ئەنتاب.