تورکیا 16 کەس دەسگیرکەێد وەتوومەت پەیوەندی وەگەرد داعش و قاعیدە
2023-04-06T09:46:58+00:00
شەفەق نیوز/ پۆلیس تورکیا، ئمڕوو پەنجشەممە، 16 بیانی دەسگیرکرد لە ئۆپراسیۆنیگ ئەمنی ک رێکخریاگەیل "داعش" و " قاعیدە" ی تیرۆرست کردنە ئامانج لە شار ئستەنبول، وەپای ئاژانس فەرمی "ئانادۆل" تورکیا.
ئاژانسەگە لە سەرچەوەیل ئەمن یراگەیانیە، هۆبەی دژە تیرۆر لە ئستەنبول دەسکردنە ئۆپاسیۆنی ئەرا دەسگیرکردن گومانلێکریاگەیل ک دەس دیرن لە چالاکیەل پەیوەندیدار وەل ئەو دوو رێکخریاگ تیرۆرستی ناوبریاگە لە ناوچە ناکۆکەیل ( سوریا، عراق).
راگەیانیش، تیم هۆبەی دژە تیرۆر ئاخڵەی 14 ناوچە دانە لە 7 ناوچەی ئستەنبول، لە ئەنجام 16 بیانی دەسگیرکریان، ک گومانکریەد " تیرۆرستە بکوژەیل بیانین" و مەترسی لەبان وڵاتەگە دیرن.
