تویتەر دویای پەککەفتنیگ ناکاوی دووارە کەفێدە کار

شەفەق نیوز/ تویتەر دویای یەکەمین پەککەفتن گەورە دووارە کەفتە کار، دویای بڕیگ گیچەڵ ک لەمانگ شوبات گوزەشتە کەفتنە ناو تووڕ کۆمەڵایەتی.   

وەکارهاورەیل تویتەر، ئمڕوو پەنجشەممە، نەتوەنست  هەژماریان واز بەکن، وەگەرد گیچەڵیگ لە رەسین وەکارهاورەیل ئەرا نووترین پۆستەیل، و توانای بڵاوکردنیان نەمەن.  

هیمان دیار نییە چە بویەسە هووکار ئەو ئەو پەککەفتنە، وکۆمپانیاگە تا ئیسە هوویچ باسیگ نەکردیە.   

فرە لە وەکارهاورەیل ئاگاداری لە پەیامیگ کردن ک ئویشێد: "ئی پەیجە پەکی کەفتیە" و گیچەڵەگە رەسیە سایت وێب وەگەرد ئەپلیکەیشن مۆبایل و TweetDeck کۆمپانیاگە. 

Downdetector ک رەوانگەی ئی کارەیلە کەێد، هەزاران راپۆرت لە گیچەڵەیل تویتر وەرگرد، باوجی پەیچ سۆشیال میدیا ئویشێد گشت سیستمەیل کار کەن.