ته‌ياره رووسيه‌گه وه 92 كه‌سه‌و كه‌فته ناو ده‌رياى سيه
شه‌فه‌ق نيوز/ ته‌ياره‌يگ سه‌ربازى رووسى له جوور"تو، 154" ك 92 كه‌س له‌تى بوى و له‌ناونيان ده‌يان كه‌س گورانيچڕ و ژه‌نيار و سه‌ماكه‌ر له تيم مۆسيقاى سه‌ربازى سوپاى رووسى وجوود داشتن، له‌ڕى هاتنى وه‌ره‌و سوريا كه‌فته ناو ده‌رياى سيه و تا ئيسه‌يش هه‌واڵ له‌باره‌ى قورتاربويه‌يل نيه.
له‌ى باوه‌تيشه‌و، ئاژانس تاس له زووان وزاره‌ت وه‌رگرى رووسى وت: هويچ كه‌سيگ له‌و 92 كه‌سه قورتار نه‌وينه‌و ئاژانس ئه‌نته‌رفاكسيش له زووان سه‌رچه‌وه‌يگ تر وت: ته‌ياره‌گه هويچ ئشاره‌تيگ ئه‌را وه‌هاناڕه‌سين كلنه‌كردگه.
جى باسه، جه‌نراڵ ئيجور كوناشينكۆف قسه‌كه‌ر وه‌ناو وزاره‌ته‌گه‌يش له لێدوانيگ ئه‌را رووژنامه‌نويسه‌يل وت: ئه‌و ته‌ياره ك له سه‌رده‌م سۆڤێت بنه‌ماى دانرياگه‌و ئه‌را يه‌كه‌مجار له ساڵه‌يل هه‌فتاى سه‌ده‌ى وه‌رين هاورياسه به‌رهه‌م، 84 نه‌فه‌ر له‌تى بويه وه‌ل 8 كه‌س له تاقم ته‌ياره‌گه.
