ته‌قينه‌وه‌يگ له كه‌شتييگ نه‌فتبه‌ر ئيرانى له نزيك جده روێدا
2019-10-11T10:19:22+00:00
شه‌فه‌ق نيوز/ ده‌مه‌و شه‌وه‌كى ئمڕوو كه‌شتى نه‌فتبه‌ريگ سه‌ر وه كۆمپانياى نه‌فت نيشتمانى(ئيرانى) وه‌دويرى 60 ميل له به‌نده‌ر جده‌ى سعودى، تويش روێداگيگ ته‌قنه‌وه هات ك هه‌يكه‌ڵه‌گه‌ێ گرته‌و.
وه‌گووره‌ى ئاژانس ئيرناى ئيرانى، خه‌زانه‌يل سه‌ره‌كى كه‌شتيه نه‌فتبه‌ره‌گه تويش زه‌ره‌د هاتنه له ئه‌نجام كه‌فتنه‌وه‌ى ئه‌و ته‌قينه‌وه‌و بويه‌سه هووكار رشيان نه‌فت خه‌زنكرياێ ئه‌را ناو ده‌رياى قرمز.
ئاژانسه‌گه يه‌يش ده‌رخست ك شاره‌زايه‌يل له‌ناو كه‌شتيه‌گه حاڵ حازر په‌يجوورى له هووكاره‌يل كه‌فتنه‌وه‌ى ئه‌و ته‌قينه‌وه ئه‌كه‌ن و پيشبينى يه‌يش كردنه ئه‌و ته‌قينه‌وه كاريگ تيرۆريستيانه بدێ.
