ته‌قينه‌وه‌يگ له شيراز ده‌يان كه‌س زه‌خمدار كرد
2017-06-03T07:15:00+00:00
شه‌فه‌ق نيوز/ پير حه‌سه‌ن كوليوه‌ند وه‌رپرس ريكخرياگ ئه‌سعاف ئيرانى ئاشكراى تويشهاتن 37 كه‌س كرد له ئاكام ته‌قينه‌وه‌يگ له بازاڕ مه‌ركه‌زى"هايبه‌ر ماركت"ئيرانى له شار شيراز ناوه‌ند پاريزگاى فارس له باشوور وڵاته‌گه.
كوليوه‌ند له لێدوانيگ ئه‌را ئاژانس هه‌واڵه‌يل فارس وت: ئى روێداگه دوياى 45 ده‌قه له شوون نيمه‌ێ شه‌و دويه‌شه‌و روێداگه‌و 10 سه‌ياره‌ێ ئه‌مپوڵانس و چه‌ن سه‌ياريگيش كلكرياگه ئه‌را شوون روێداگه‌گه.
جى باسه، ناوبرياگ هه‌ميش وت: ئه‌و روێداگه ك كه‌فته‌و له‌ناو گراج سه‌ياره‌يل بازاڕه‌گه بويه هووكار زه‌خمداركردن 37 كه‌س و 21 له‌ليان هه‌ر له شوون روێداگه‌گه چاره‌سه‌ر كريانه‌و 16يش له‌ليان جيواز كريانه ئه‌را نه‌خوه‌شخانه.
