ته‌قينه‌وه‌يگ له باكوور سوريا ده‌يان كه‌س كوشت
2017-01-07T16:19:00+00:00
شه‌فه‌ق نيوز/ له‌ئاكام ته‌قينه‌وه‌ى سه‌ياره‌يگ مينڕيژكرياى له شار ئه‌عزاز له ريف حه‌له‌ب له باكوور سوريا وه‌لاى كه‌مه‌و 43 كوشيان و شماره‌يگيش زه‌خمدار بوين.
شار ئه‌عزاز ك يه‌كيگه له ديارترين بنگه‌يل فه‌سيله‌يل ئۆپۆزسيۆن له پاريزگاى حه‌له‌ب، له‌ناونى ماوه‌يگ و ماوه‌يگ تر ته‌قينه‌وه له‌تى روێ ئه‌ياد ك بڕيگ له‌لى ريكخرياگ ترۆريستى داعش وه‌رپرسيارێتيى ئه‌گرێده خوه‌ى.
جى باسه، چه‌ودير سوورى ئه‌را مافه‌يل ئاده‌ميزاد هه‌ميش وت: له ئاكام ته‌قينه‌وه‌يگيش له ناوچه‌ى ئه‌لمه‌حكه‌مه ئه‌لشه‌رعيه له باكوور پاريزگاى حه‌له‌ب له مه‌رز توركيا ده‌يان شماره‌يگ تر مه‌ردم زه‌خمدار بوينه‌و بڕيگ له‌ليان زه‌خمه‌يليان فريه سه‌خته.
