ته‌قينه‌وه له ئه‌ندۆنيسيا زياتر له 40 كه‌س كوشت و زه‌خمدار كرد
2018-05-13T08:08:00+00:00
شه‌فه‌ق نيوز/ سه‌رچه‌وه‌يل هه‌واڵ ئاشكراى ئه‌وه كردن ك له سێ په‌لامار يه‌ك له‌شوون يه‌ك له ئه‌ندۆنيسيا ئه‌را بان سێ كه‌نيسه 6 كه‌س كوشيانه‌و 36 كه‌سيش زه‌خمدار بوينه.
له‌ى باوه‌ته‌و، پۆليس ئه‌ندۆنيسيا له به‌ياننامه‌يگ ك شه‌فه‌ق نيوز ئاگادارى بوى، ئه‌وه ده‌رخست ك چه‌ن چه‌كداريگ په‌لامار كه‌نيسه‌يل دانه له شار سورابايا و كرده‌وه‌ى خوه‌يكوشى و ته‌قينه‌وه ئه‌نجام دانه‌و له‌ئاكام ئه‌وه‌يش 6 كه‌س كوشيانه‌و ده‌يان كه‌سيش زه‌خمدار بوينه.
جى باسه، وه‌رپرس هه‌واڵگرى وڵاته‌گه‌يش باس له‌وه كرد ك ئه‌و په‌لاماره‌يله له‌لايه‌ن كۆمه‌ڵه‌ى ئه‌نسارولده‌وله ئه‌نجام درياگه ك لقيگه له ريكخرياگ ترۆريستى داعش.
