"تكساس" لايه‌نگرى بريار ترامپ ئه‌كا له قه‌يه‌غه‌ى هه‌فت ده‌وڵه‌ته‌گه
2017-02-16T10:07:00+00:00
شه‌فه‌ق نيوز/ كين باكستون داواكار ولايه‌ت تكساس، لايه‌نگرى برياره‌يل دوناڵد ترامپ سه‌رۆك ئه‌مريكى كرد له‌باره‌ى قه‌يه‌غه‌كردن گه‌شت هاووڵاتيه‌يل هه‌فت ده‌وڵه‌ت ئه‌را وڵاته‌يل يه‌كگرتگ.
باكستون ك سه‌ر وه حزب كۆماريه‌يله، داوا له دادگاى ئستئناف ده‌زگاى 9 ئه‌مريكى له كاليفۆرنيا كرد ڕى وه‌پى بيه‌ێد وه‌رگرى له‌و قه‌يه‌غه‌ى وه‌ختيه بكا ك ترامپ چه‌سپانه‌سه‌ى له‌بان گه‌شتكه‌ره‌يل ئه‌و هه‌فت ده‌وڵه‌ته.
جى باسه، ولايه‌ت تكساس يه‌كه‌مين ولايه‌تيگه ك پشتگيرى دوناڵد ترامپ سه‌رۆك ئه‌مريكى ئه‌كا له‌ى مه‌سه‌له‌ى قه‌يه‌غه‌كردنه ك وه تونى چه‌وديرى ئه‌كريه‌ێد.
