تره‌مپ هه‌ڕه‌شه‌ى ده‌سگيركردن و ده‌ركردن له كووچكه‌ره‌يل كرد
2019-07-06T10:51:51+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا، وت: هه‌ڵمه‌ته‌يل ده‌سگيركردن وه ئامانج ده‌ركردن وه‌جه‌م وه‌ى نزيكه‌يله ده‌س وه‌پى ئه‌كا، ئه‌ويش له‌وه‌ختيگ ك وه‌رگريكه‌ره‌يل ئه‌مريكى قه‌وڵ دان له‌باره‌ى كووچكه‌ره‌يل وه ئه‌وه‌گ شوون ئه‌رايان ئاماده‌س.
تره‌مپ له وه‌رگرتن رێ وشوونيگ تون له‌باره‌ى كووچكه‌ره‌يل باوه‌ڕى ئه‌وه‌سه مه‌سه‌له‌گه كيشه‌يگ سه‌ره‌كيه له‌لاى و له‌وه‌خته‌يليگه ك هه‌وڵ سه‌ركه‌فتن ئه‌ياد ئه‌را وه‌ده‌سهاوردن ولايه‌ت دويه‌م سه‌رۆكايه‌تى.
ترمپ ئه‌را رووژنامه‌نويسه‌يل وت: وه‌ى فريه نزيكه‌يله هه‌ڵمه‌ت ده‌سگيركردن و ده‌ركردن كووچكه‌ره‌يل ده‌س وه‌پى ئه‌كاو گشت ئه‌و كه‌سه‌يله دويره‌و ئه‌خه‌يم ك وه دريژايى دوساڵه وه‌شيوه‌يگ ناياسايى هاتنه.
