تره‌مپ هه‌ڕه‌شه له كه‌شتيه‌يل ئيرانى ئه‌كا
شه‌فه‌ق نيوز/ دۆناڵد تره‌مپ سه‌رۆك ئه‌مريكا، باس له‌وه كرد هيزه‌يل ده‌رياوانى ئه‌مريكى وه‌گشت هيزيگه‌و وێران هه‌ر كه‌شتييگ جه‌نگى ئيرانى ئه‌كا ئه‌گه‌ر هات و نزيكه‌و بدێ له كه‌شتيه‌يل ئه‌مريكى.
يه‌يش دوياى ئه‌وه هات ك 11 كه‌شتى له هيزه جه‌نگى تايبه‌ت ئيرانى نزيكه‌و بوين له كه‌شتيه‌يل ئه‌مريكى له كه‌نداو.
تره‌مپ وت: ئيمه وه‌يه قه‌بول ناكه‌يم ئه‌گه‌ر ئه‌نجامى دان.. ئه‌گه‌ر كه‌شتيه‌يلمان خستنه مه‌ترسى و تاقم و ده‌رياوانه‌يل قاره‌مانمان خستنه مه‌ترسى.
تره‌مپ وت: ئه‌يه هه‌ڕه‌شه‌س. هه‌ناى ك نزيكه‌و بوون له كه‌شتيه‌يلمان و چه‌ك هه‌ڵگرتنه له‌بان كه‌شتيه‌يليان، له‌ى حاڵه‌ته ئيمه ويران كه‌شتيه‌يليان ئه‌كه‌يم وه يه‌كجارى.
جى باسه، له جواو پرسياريگيش له‌باره‌ى مانگ ده‌سكرد ئيرانى ك وه‌شريا وه‌ره‌و ئاسمان، وت: ئيمه له نزيكه‌و ئاگاداريم له‌ى حاڵه‌ته‌يله‌و چه‌وديرى ئه‌كه‌يم.
