تره‌مپ نياز كلكردن 12 هه‌زار سه‌رباز ئه‌را خوه‌رهه‌ڵات ناوين خسته دروو
2019-12-06T09:32:37+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا، نياز واشنتۆن له‌باره‌ى كلكردن 12 هه‌زار سه‌رباز ئه‌را خوه‌رهه‌ڵات ناوين خسته دروو.
تره‌مپ له لاپه‌ڕه‌ى خوه‌ى له‌بان ماڵپه‌ڕ تويته‌ر ئه‌و هه‌واڵه‌يله وه نادروس تاريف كرد وه‌بى پيشكه‌شكردن باس زيايه‌يگ له‌ى باوه‌ته‌و.
جى باسه، يه‌يش له‌وه‌ختيگه زويتر ماڵپه‌ڕيك ئه‌مريكى باس له‌وه كرد وه‌زاره‌ت وه‌رگرى ئه‌مريكا پلان كلكردن سه‌رباز زيايه ديرێد ئه‌را خوه‌رهه‌ڵات ناوين له‌وه‌ر روێ وه‌ڕوێ بوينه‌وه‌ى هه‌ڕه‌شه‌يل ئيران له ناوچه‌گه.
