تره‌مپ له‌باره‌ى په‌لاماره‌يليگ له ولايه‌تيگ ئه‌مريكى وشدارى دا
2019-07-29T10:52:20+00:00
شه‌فه‌ق نيوز/ راپۆرته‌يليگ باس له‌وه كردن ك كه‌سيگ ده‌سكرده‌سه ته‌قه‌كردن له نمايشگايگ مادده‌ى خوارده‌مه‌نى له ولايه‌ت كاليفۆرنياو قسه‌كه‌ر وه‌ناو پۆليسيش ئه‌وه ده‌رخست ك له‌و رويداگه قوربانى كه‌فته‌سه‌و.
له‌ى باوه‌تيشه‌و دۆناڵد تره‌مپ سه‌رۆك ئه‌مريكا په‌يام هه‌ڵه‌په‌ڵه‌يگ ئاراسته‌ى هاووڵاتيه‌يلى كرد له ئه‌نجام ئه‌و روێداگه خويناويه ك له دوڕيان جيلۆرى له ياكوور ولايه‌ت كاليفۆرنيا كه‌فته‌سه‌وه‌و داوا كردگه مقه‌يه‌ت بوون له‌و په‌لاماره‌يله.
جى باسه، تائيسه هويچ زانياريگ زياتر وه‌ده‌س ناتگه له‌و باوه‌ته‌و، وه‌لێ سه‌رچه‌وه‌يليگ باس له‌وه كردنه ك ئاگادار تاقم ئه‌مپوڵانس كردنه له‌باره‌ى زه‌خمداربوين 11 كه‌س دوياى ژنه‌فتن ده‌نگ ته‌قه‌كردن له فيستيڤاڵ جيللۆرى جاريليك ساڵانه له باشوور سان هۆزيه.
