تره‌مپ باس له ئه‌نجامه‌يل دڵخوه‌شكه‌ريگ ئه‌كا له‌باره‌ى چاره‌سه‌ر كۆرۆنا
2020-04-04T09:08:35+00:00
شه‌فه‌ق نيوز/ دۆناڵد تره‌مپ سه‌رۆك ئه‌مريكا، وت: ئمڕوو جه‌هان روێ وه‌ڕوێ دوشمنيگ نه‌دوينرياێ بويه‌سه‌و له‌ساى بڵاوبوينه‌وه‌ى ڤايرۆس كۆرۆناى تازه، باس له‌وه‌يش كرد ئه‌نجامه‌يل دڵخوه‌شكه‌ريگ له‌باره‌ى بڕيگ ده‌رمانه‌و ده‌رچيه.
تره‌مپ له كۆنگره‌يگ رووژنامه‌گه‌رى ئه‌را شانه‌ى قه‌يران له ماڵ چه‌رمگ وت: ئيمه هايمنه بارودوخ تازه‌يگ ئه‌را سه‌ركه‌فتن له‌بان جه‌نگ دژ په‌تاى كۆرۆنا و مامڵه وه‌ل دوشمنيگ نه‌دوينرياى ئه‌كه‌يم، وه‌لێ سه‌رئه‌كه‌فيم له‌بانى.
سه‌رۆك ئه‌مريكا زياتر وت: ئيمه وه‌رده‌واميم ل تاقيكردنه‌وه‌ى چه‌ن ده‌رمانيگ ئه‌را چاره‌سه‌ر كۆرۆنا، ك ئه‌نجامه‌يل دڵخوه‌شكه‌ريگيش هه‌س ئه‌را بڕيگ ده‌رمان ك تاقييانه‌و كرديمنه ئه‌را چاره‌سه‌ر ڤايرۆسه‌گه.
