ترسیگ لەوەر زەویلەرزەیگ لە بەش ئاسیای تورکیا

شەفەق نیوز/ زەویلەرزەیگ، ئیوارەی ئمڕوو شەممە، داگە شار ئیستەنبوڵ تورکی،  و خەڵکەگە لە گشت شارەگە هەس وەپی کردن.

وەڕێۆبەرایەتی کارەسات وفریاکەفتن تورکیا، لەبان ماڵپەڕ ئەلیکتڕۆنی خوەی وت: زەویلەرزەگە رەسیە ٣،٩ پلە، و لەناوچەی قرتاڵ بوی لە بەس ئاسیای شار ئیستەنبوڵ.

وتیش: رەزەگە لە ساعەت ١٥:٠٧ وەقویلی ٧،٠٦ کێلومەتر بوی، و خەڵکەگە لە فرەی ناوچەی هەردوگ بەش ئەوروپا و ئاسیای ئیستەنبوڵ هەس وەپی کردن.

زەویلەرزەگە رخیگ خستە ناو مەردمەیل بەش ئاسیایی، ک وەزوی لە ماڵەیل خوەیان و شوینەیل کاریان دراتن.

لەلای خوەییش عەلی یەرلی والی شارەگە لەبان تویتەر راگەیان؛ تیمە پەیوەندارەیل هیچ ئاگادارییگ لە زەرەدەیلیگ لە زەویلەرزەگە وەرنەگردن.