ترامپ هووكار دگانناينى وه قودس ئه‌را پايته‌خت ئسرائيل ئاشكرا كرد
2017-12-08T10:14:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكى، جه‌خت له‌وه كرد ك بڕيار دگانناينى وه قودس ئه‌را پايته‌خت ئسرائيل له‌وه‌ر جيوه‌جيكردن ئه‌و قه‌وڵه‌يليه بويه ك له‌وه‌خت هه‌ڵمه‌ت هه‌ڵوژاردنه‌يل داسه‌ێ و چشت تازه‌يگ ، به‌ڵكوو قسه‌و كرده‌وه بويه.
ترامپ له لاپه‌ڕه‌ى خوه‌ى له توێته‌ر، نويساگه: من قه‌وڵ خوه‌م جيوه‌جى كردم ك دامه‌ى مه‌ردم له وه‌خت هه‌ڵمه‌ت هه‌ڵوژاردن، نه‌ك زياتر.
جى باسه، رووژ چوارشه‌ممه‌ى گوزه‌يشت ترامپ ئاشكراى دگانناين وڵاته‌گه‌ى كرد وه قودس ئه‌را پايته‌خت ئسرائيل و ئمزا له‌بان جيوازكردن باڵوێزخانه‌ى واشنتۆنيش كرد له ته‌ل ئه‌بيبه‌و ئه‌را قودس، ك يه‌يش تويڕه‌يى فره‌يگ عه‌ره‌بى و ناوده‌وڵه‌تى له‌لى كه‌فته‌و.
