ترامپ له په‌يوه‌ندييگ ته‌له‌فۆنى وشدارێ دا ئه‌ردوغان
2018-01-25T07:51:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكى له باره‌ێ داناين مه‌رزيگ ئه‌را كرده‌وه‌يل سه‌ربازێ له باكوور سوريا وشدارێ دا توركيا.
له‌ى باوه‌ته‌و، ماڵ چه‌رمگ له به‌ياننامه‌يگ وت: ترامپ له په‌يوه‌ندييگ ته‌له‌فۆنى وه‌ل ره‌جه‌ب ته‌يب ئه‌ردوغان سه‌رۆك توركى له‌باره‌ێ په‌لاماره‌يل توركى له باكوور سوريا وشدارێ داگه وه ئه‌وه‌گ بايه‌سه مه‌رزيگ ئه‌را ئه‌و په‌لاماره‌يل دابنريه‌ێد له‌وه‌ر ئه‌وه‌گ كيشمه‌كيش نه‌كه‌فێده ناونى هيزه‌يل توركى و ئه‌مريكى.
جى باسه، سه‌رچه‌وه‌يل ئاشكراى ئه‌وه كردن ك وڵاته‌يل يه‌كگرتگ نزيكه‌ى 2 هه‌زار سه‌رباز ديرێد له سوريا له وه‌ختيگ ك توركيا له هه‌ڵمه‌تيگ وه‌ناو چڵه زه‌يتون رووژانه په‌لاماره‌يلێ ئه‌نجام ئه‌ياد له باكوور سوريا.
