ترامپ: دوياێ ته‌جروبه‌ێ مووشه‌ك ئيرانى ريككه‌فتن ئه‌تۆمى نيه
2017-09-24T09:22:00+00:00
شه‌فه‌ق نيوز/ دوناڵد ترامپ سه‌رۆك ئه‌مريكى، وت: ته‌جروبه‌ێ تازه‌ێ مووشه‌كى ك ئيران ئه‌نجامى دا گومان زياتر ئه‌كا له روێ ئه‌و ريككه‌فتن ئه‌تۆميه ك ده‌وڵه‌ته‌يل گه‌ورا له 2015 وه‌ليا ئمزاێ كردن و هه‌ر وه‌و خاتريشه ئويشيد: دوياێ تاقيكردن مووشه‌ك ئيرانى ريككه‌فتن نيه.
ترامپ له توێته‌ر نويساگه: ئيران وه‌ى تازه مووشه‌كيگ باليستى تاقييه‌و كردگه تواناى ره‌سين وه ئسرائيل ديرێد، ك ئه‌وان وه‌ل كۆرياێ باكوور زانن ك ريككفتن كرده‌وه‌يى نيه.
كاردانه‌وه‌ێ ترامپ دوياى چه‌ن سه‌عاتيگ بوى له ئعلان ته‌هران ئه‌را مووشه‌ك تازه‌ێ خوڕه‌مشه‌هر ك مه‌داێ 2000 كيلۆمه‌تره و قابليشه ئه‌را زيايكردن سه‌ر جياجيا، يه‌يش له وه‌ختيگ وه‌رپرسه‌يل ئيرانى باس له‌وه ئه‌كه‌ن ك مووشه‌كه‌يل وڵاته‌گه‌يان ته‌سميم ئه‌را هه‌ڵگرتن سه‌ره‌يل ئه‌تۆمى نه‌كرياگه.
