ترامپ خوازياره وه‌بى به‌ڵگه ره‌گه‌زنامه وه "ئه‌زره‌تمه‌نه‌يل" بيه‌ێد
شه‌فه‌ق نيوز/ ماڵ چه‌رمگ باس له‌وه كرد ك دۆناڵد ترامپ سه‌رۆك ئه‌مريكى پيشنيار ئه‌را كۆنگرس ئه‌كا له‌باره‌ێ وازكردن رێ له‌وه‌رده‌م داين ره‌گه‌زنامه‌ێ ئه‌مريكى وه 1,8 مليۆن كووچكه‌ر له‌وانه‌گ وه‌شيوه‌ێگ ناياسايى چينه ناو وڵاته‌يل يه‌كگرتگ.
له‌ى باوه‌ته‌و، وه‌رپرسه‌يل ئه‌وه ده‌رخستن ك له‌ى پلانه ئه‌و جايه‌ڵ جوانه‌يله قانجاز ئه‌كه‌ن ك ناسريانه وه "ئه‌زره‌تمه‌نه‌يل" ك وه‌شيوه‌يگ ناياسايى چينه ناو وڵاته‌يل يه‌كگرتگ هه‌ناى ك ته‌مه‌نيان بويچگتر بويه، يه‌يش بيجگه ئه‌و كووچكه‌ره‌يله ك نه‌ف وه‌رنه‌گرتنه له به‌رنامه‌ى "ده‌كا" ك له‌لايه‌ن باراك ئۆباماى سه‌رۆك وه‌رينه‌و ئمزا كريا.
جى باسه، وه‌پرسه‌يل هه‌ميش وتن: ئه‌و ئه‌زره‌تمه‌نه‌يله ك شماره‌يان 1,8 مليۆن كه‌سه، ئه‌تويه‌نن داواكارى پيشكه‌ش بكه‌ن ئه‌را وه‌رگرتن ره‌گه‌زنامه وه‌و مه‌رجه ك كار بكه‌ن و هويچ تاوانيگ نه‌نجام نه‌ياوێن.
