ترامپ تومه‌تبار ئۆباما وه‌ سيخوڕيكردن كرد

شه‌فه‌ق نيوز/ دۆناڵد ترامپ سه‌رۆك ئه‌مريكى، تومه‌تبار باراك ئۆباما سه‌رۆك وه‌رين كرد وه‌ ئه‌وه‌گ سيخوڕى له‌بان قسه‌يل ته‌له‌فۆنيى كردگه‌ وه‌رجه‌ ئاشكراكردن سه‌ركه‌فتنى له‌ هه‌ڵوژاردنه‌يل سه‌رۆكايه‌تى.

ترامپ له‌ بان ماڵپه‌ڕه‌يل كۆمه‌ڵايه‌تى تايبه‌ت وه‌ خوه‌ى وت: چشت ئاوڕويبه‌ريگه‌ ك ئيسه‌ زانستم ئۆباما سيخوڕى له‌بان قسه‌يل ته‌له‌فۆنييم كردگه‌ له‌ تاوه‌ره‌يل ترامپ وه‌رجه‌ سه‌ركه‌فتنم له‌ هه‌ڵوژاردنه‌يل و هويچ وه‌ده‌سى نه‌كه‌فتگه‌ و يه‌يش خه‌يانه‌ته‌.

ترامپ زياتر وت: ئايا له‌ڕوى ياساييه‌و ئه‌دێ سه‌رۆكيگ ك هيمان له‌ خزمه‌ت بدێ سيخوڕى له‌بان كانديدكرياگ ئه‌را سه‌رۆكايه‌تى بكا وه‌رجه‌ هه‌ڵوژاردنه‌يل؟

جى باسه‌، ترامپ هه‌ميش وت: روى له‌ پاريزه‌ر خاسيگ ئه‌كه‌م و رى و شوون ياسايى ئه‌گريمنه‌ وه‌ر له‌باره‌ى ئه‌و سيخوڕيكردنه‌ له‌لايه‌ن ئۆباما.