ترەمپ داوای بەرزایی وە سەربازەیل ئۆکرانیا کەێد

شەفەق نیوز/ دۆناڵد ترەمپ سەرۆک ئەمریکا، دووپات لە دانوسەنین خاس و بەرهەمداریگ وەرد ڤلادیمێر پۆتین سەرۆک رووسیا کرد، لە وەختیگ گەشبینی وریا لە توانای کۆتاییهاوردن وە جەنگ ناوەین رووسیا و ئۆکرانیا نشان دا.

 ترەمپ لە پۆستیگ لەبان "تروث سۆشيال" وت: دەرفەت کەورەیگ هەی ئەرا کۆتاییهاوردن وە جەنگ، و داوا لە پۆتین کرد بەزەیی وەو سەربازەیل ئۆکرانیە باێد کە لە ناوچەی کۆرسک گیر هاتنە.

وەلێ پۆتین مەرج دانا، کە راگەیان مقیەتیکردن گیان هیزەیل ئۆکرانیا فەرمانیک لە کیێڤ خوازێد خوەی بەێدە دەس.

دیمتری بیسکۆف قسەکەر کرملین وت: پۆتین پەیامیگ ئەرا ترەمپ کل کرد پێشنیار ئاگربەسی هاناوی وەلی وە مەرجەیل فرە سەختیگ کە لایەن ئۆکرانیا رازی نیەکەێد.

 وەرانوەر ئەوە، یەکێتی ئەوروپا وەردەوامە لە درویژەداین وە سزایەیل وەبان رووسیا، کە نزیکەی 2400 کەی و قەوارەی رووسی گرێدەو، لە تەقەلای زوورهاوردن وەبان مۆسکۆ.

وەگەرد ئەوەیش، دیارە ئەوروپا کەفێدە وەر سەختیەیل گەورەیگ لە سای سیاسەتەیل ترەمپ کە خوازێد ئەرک ئەمریکا لە مقیەتیکردن ئاسایش ئەوروپا کەمەو بکەێد.

لەی چوارچیوە، ئەوروپا نووڕێدە قایمکردن هاوکاری وەرد تورکیا جویر هاوبەش نوویگ تا ئەو بۆشایی ئەمنیە پڕەو بکەێد، و رەجەب تەییب ئەردۆغان وت: تەنیا وڵاتەگەی توانای رزگارکردن یەکێتی ئەوروپا لەی قەیرانە دیرێد.

 لە وەختیگ رووسیا ئامادەیی ئەرا چەسپانن کارتەیل زوورهاوردن نوویگ لەبان ئەوروپا کەێد وە بڵاوکردن مووشەک "ئوريشنك" لە بيلاروسيا.