تاوسان 2024 گەرمترینە لە جەهان

شەفەق نیوز/ چەودیاریکردن کەشوهەوا لە یەکێتی ئەوروپا، ئمڕوو جمعە، تاوسان ئەمساڵ وە سویەرترین لە نیمەی باکوور زەوی دادە قەڵەم، لە وەختیگەو دەسوە توومارکردن پلەی گەرمی کریاس.

چەودیاریکردن "كوبرنيكوس" ئەرا ئاڵشتبوین لە پۆستیگ مانگانە وت: بەش باکوور زەوی لە مانگ حوزەیران تا ئاب گوزەشتە لەی ساڵە، لە تاوسان گوزەشتە رەد کرد، تا بوودە گەرمترین لە جەهان.

سامانتا بورجیس خانمە جیگر دەسەگە وت: وەماوەی سێ مانگ گوزەشتە، جەهان لە مانگ حوزەیران و ئاب گوزەشتە سویەرترین تاوسان و سویەرترین رووژ لە بەش باکوور زەوی وەخوەی دی. 

وتیش: ئەگەر دەوڵەتەیل کار لەبان کەمکردن تەکانەیل گازی نەکەن کە پلەی گەرمی لەبان زەوی بەرزەو کەێد وەشیوەیگ زویوەزوی، وەنە کەشوهەوا سەختترەو بوود.

ئاڵشتبوین کەشوهەوا لەی تاوسانە وەردەوام بوی لە دروسکردن کارەسات، کە لە سودان لافاوەیل لە ئەنجام وارانە رفتەیل لە مانگ گوزەشتە زەرەد وە زیاتر لە 300 هەزار کەس رەسان.

داتایل "كوبرنيكوس" لە ساڵ  1940 دەسوەپی کرد، و وەگورەی ئەو داتایلە لەو وەختە تا ئیسە ئی تاوسانە گەرمترینە لە جەهان.