تاوانیگ وەحشیانە لە بەڕازیل.. سەر داڵگ و دویەتیگ لەناو شەوخەف بڕیە
2023-01-04T05:58:03+00:00
شەفەق نیوز/ لە تاوان کوشتن وەحشیانە، داڵگ و دویەتیگ لەناو شەوخەف وە سەر بڕیاگ پەیا کریان، دویای ئەوەگ هاوساگە هەنای دەنگیگ لەو ماڵە لە ناوچەی باهیا لە بەڕازیل ژنەڤتنیە ئاگادار پولیس کردیە.
تەرم لیڤیا تاوان لە تەمەن ٧ ساڵان، و داڵگی ئیدینیوزا رودریغیز لە تەمەن ٢٤ ساڵان دویای سێ رووژ لە جەژن زایینی پەیا کریان.
جویلەی ناو ماڵەگە لە کازا نوفا لە باهیا نیگەران هاوساگە کرد ک رخیان لەبان ئەو خانەوادە چگە و پەیوەندی وە پولیس کردنە.
راپۆرتەیلیگ وتن: گومان تاوانەگە لە یار وەرین رودریغیز و باوگ لیڤیا کریاگە.
راپۆرتەیل وتنیش: هاتێ پەیوەندییگ وەلایەن داڵگەگە وەگەرد پیاویگتر تویڕەی یار کۆنەی ژنەگە کردیە.
وتیش: رودریغیز وەرجە ساڵیگ واز لەو پیاوە هاوردیە، وەلێ هەر ماوەیگ جاریگ پەیوەندی کەن، باوجی دەسەڵاتەیل بەرازیل تا ئیسە باس هویچ نشانەیگ لە هوکار ئەو دوو تاوان کوشتنە نەکردنە.
