تاوانیگ قیزەون لە میسر.. گەنجیگ ئاگر دەزویرانەگەی دەێد
2023-08-14T07:41:22+00:00
شەفەق نیوز/ لە تاوانیگ قیزەون پارێزگاری لوکسۆر لە باشوور میسر هەژان، گەنجیگ ئاگر ناد لە لەش دەزویرانەگەی دویای بڕیار پویچەڵکردن دەزویرانیەگە کە کەلەمە خستە لەش دویەتەگە.
وەگورەی قسەی سەرچەوەیگ ئەمنی ئەرا میدیایل راگەیانن؛ تاوانبارەگە وەناو "ئەحمەد.ع" تەمەن 27 ساڵ، دەرفەت ئەرای پەیا بویە هەناێ دەزویرانەگەی وەتەنیا وەگەر خوەشک و داڵگی بویە، و دزە کردە ناو ماڵەگە لە ئاوای قیبلی قەمولا لە شار لوکسۆر، لەورا وەبی ئەوەگ کەسی لەلی ئاگادار بوود، رەسیە ژوورەگەی، و بەنزین رشانە بان لەش دویەتەگە و ئیجا ئاگری دا.
ئەو سەرچەوە ئاشکرا کرد کە ناکۆکی لە ناوەین تاوانبارەگە و قوربانییەگە "مەروە.ع"، تەمەن ٢٥ ساڵە بویە، کە هیشتیە واز لە دەزویرانیەگە بارێد کە لەوەختیگ گەنجەگە ئی بڕیارە وە دڵی نەویە و وەی جویرە تووڵەی سەنیە.
قوربانییەگە بریایە ئەرا خەسەخانە، کە ئاگرەگە کەلەمە خستیەسە دەمچەوی و بەشیگ لە زگی، کە خەڵکەگە توەنستنە لەمردن رزگاری بکەن، و تاوانبارەگە دانە دەس پولیس.
