تاوان دڕندانه‌يگ له‌ مسر ئه‌نجام دريا

شه‌فه‌ق نيوز/ شار دوميات له‌ پاين باكوور مسر، تاوان دڕنده‌يگ وه‌خوه‌يه‌و دێ، ك له‌تى هاووڵاتييگ هاوسه‌ره‌گه‌ى خوه‌ى سه‌ر بڕيه‌و هه‌رچوار مناڵه‌گه‌يشى ژه‌هراوى كردگه‌و گشتيان كوشتگه‌.

پۆليس مسرى ئه‌و تاوانباره‌ ده‌سگير كرد له‌وه‌ختيگ له‌ناو سه‌ياره‌ى خوه‌ى بويه‌ له‌ ده‌ورگرد شار نه‌برو له‌ دوميات، ئه‌ويش دوياى ئه‌وه‌گ ته‌له‌فۆنه‌گه‌ێ خرياوێده‌ ژير چه‌وديرێ و قسه‌ كردياد وه‌ل خوه‌يشكه‌گه‌و ئاگادارى كروێد ك هاوسه‌ره‌گه‌ى و مناڵه‌يلى كوشتگه‌.

جى باسه‌، ئه‌و تاوانباره‌ هاوسه‌ره‌گه‌ى وه‌ چه‌قوو سه‌ر بڕيه‌و هه‌رچوار مناڵه‌گه‌يشى وه‌ ژه‌هر كوشتگه‌ له‌ڕێ خستنى وه‌ناو خوه‌راكه‌و ئه‌رايان و هه‌يواێد، وه‌لێ له‌لايه‌ن پۆليس مسريه‌و ده‌سگير كرياگه‌.