تەندروسی جەهانی هووشداری دەێد لە بڵاوبوین بیماری لە غەززە
2023-11-29T13:56:06+00:00
شەفەق نیوز/ رێکخریاگ تەندروسی جەهانی هووشداری دەێد، هاتێ مەردم فرەیگ وە بیماری گوازراوەیل گیان لە دەس بیەن وە بەراورد وە گورزەیل ئیسرائیل.
وەپای خەوەریگ لە "ئەنادۆل" وەڕێوەبەر گشتیی رێکخریاگ تەندروسیی جەھانی، تێدرۆس ئەدھانۆم گێبرێیسس لە بەیاننامەیگ دیاریکردیە وە لەوەرچەوگردن بارودۆخ زندگی کردن و نەبوین سسیتەمیگ خاس تەندروستی لە کەرت غەززە، هاتێ مەردم فرەیگ وە بیماری گیان لەدەس بیەن، باس لەویش کردیە مەترسی فرەیگ هەس ئەرا بڵاوبوین بیماری گوازراو لە غەززە.
ئاشکەرایکرد: " ئیرنگە هەوەجە وە لەیەکفامستنیگ هەمیشەیی کەێمن ئەرا وسانن جەنگ مرۆیی لە غەززە، چوینکە ئەی پرسە پەیوەنی وە زندگی و مردن مەردم مەدەنیەو دیرێد".
