تەندروسی جەهانی هوشداری ئەوروپا لە ئاوڵەی مەیمون کەێد
شەفەق نیوز/ ریخریاگ تەندروسی جەهانی، ئمڕوو سێشەممە، داوای جویلەکردن زوییگ لە دەوڵەتەیل ئەوروپا کرد ئەرا نواگردن پەتای ئاوڵەی مەیمون، دویای سێ قات لە بەرزەوبوین لە ماوەی دوو هەفتەی گوزەشتە ک هیشت کشوەرە پیرەگە بوودە لانەی بڵاوبوینی.
هانز هینری کلوگە وەڕیەوبەر هەرێمی ریخریایەگە لە ئەوروپا، داوای گرنگی خەسەوکردن تەقەلایلی لە هەفتە ومانگەیل بانان کرد ئەرا نەهیشتن ئەوە ک ئاوڵەی مەیمون لەناوی و لەناوچەیگ جوگرافی گەورەتر جیگر بوود.
ودیاری کرد ک بایەتە وەزوی جویلەی هەمانەگییگ بکەن ئەگەر بخوازیمن نوای بڵاوبوین وەردەوام بیماریەگە بگریمن.
کلوگە وتیش: وەگەرد هاتن وەرز تاوسان لە ناوچەی ئەوروپایی، وەگەرد گردەوبوین گشتی وفیستواڵ و ئاهەنگەیل، هەس وە نیگەرانی کەم لە ئەگەر گواستنەوەی پەتاگە وەشیوەیگ زویتر، ک ئەو بیماریەیلە ک ئیرنگە ئاشکرا کریەن لەوانەس ک رەفتار سێکسی ئەنجام دەن، و نشانەیل بیماریەگە لەلای فرەکەس باو نییە.
وەگورەی راپۆرتەیل ریخریاگ تەندروسی جەهانی، ئەوروپا زیاتر لە ٤٥٠٠ تویشهاتن توومار کرد، واتە وە سێ قات زیاترە ک هیلێد کشوەرەگە بوودە لانەی بڵاوبوین بیماریەگە.
