تەندروسی جەهانی مەزەنەی زیادبۊین شمارەی مردن و تۊیشبۊین "ئۆمیکرۆن" کەێد

شەفەق نیوز/ ڕێکخریای تەندروسی جەهانی، ئمروو سێشەممە، مەزەنەی زیادبۊن ڕێژەی تۊیشهاتن  و مردن وە ئاڵشبۊیە   نووەگەی  کۆرۆنا ڤیروس لە جەهان کرد.    

رێکخراوەگە لە لێدوانیگ ئەرا ئاژانس سپوتنیک رووسیا وت: " وەگەرد زیادبۊین پسای ئاڵشتبۊیەگە  دڵەرەواکی لە سەرانسەر جەهان زیادەو بوود ،  چەوەڕی  زیادبۊین  وەرگردن لە خەسخانە و مردنیش کریەێد"    

وتیش: " تا ئیسە فرەیگ لە وڵاتەیل هێمان توان شیکردن نمونەیل گشت تۊیشهاتگ و مردنەیلە نێرن، لەوەر ئەوە قورسە بتۊنینن زانیاری هۊردیگ لە مردن ئاڵشتبۊیەگە ئامادە بکەێمن".