تەندروسی جەهانی: لە ماوەی هەر 10 خولەکیگ مناڵیگ لە غەزە کوشیەێد
2023-11-11T07:50:55+00:00
شەفەق نیوز/ وەڕێوەبەر گشتی ریخریاگ تەندروسی ئەنجومەن ئاسایش وڵاتە یەکگرتگەیل، ئمڕوو شەممە، خەوەردا، کە لە هەر دە خولەکیگ مناڵیگ لە کەرت غەزە کوشیەێد، هووشداری دا، هویچ شوینیگ ئارام نییە و کەسیش بیوەی نییە".
تیدرۆس ئەدهانۆم گیبریسوس وت، نیمەی خەسخانەی غەزە کە شمارەیان 36 دەنگە، سێ چارەک بنکەیل تەندروسی سەرەتایی کارنیەکەن و ئەوانەگ تا ئیسە کارکەن فرە زیاتر لە توانای خوەیان کارکەن، وەسف سیستەم چەودیاری تەندروسی کرد کە " وەرەو کنار رمیان چوود".
تیدروس وە ئەنجومەن 15 ئەندامی راگەیان"رێڕەوەیل خەسخانەیله پڕن لە زەخمدار و بیمار و نەشتەرگەریکردن وەبی بی هووشکردن، دەیان هەزار ئاوارە پەنا بەن ئەرا خەسخانەیلە.
ئاشکەرایکرد" لەناوڕاسیانیش، لە هەر 10 خولەکیگ مناڵیگ لە غەزە کوشێد".
وتیش، لە هەفت ئۆکتۆبەرەو تا ئیسە، ریخریاگ تەندروسی جەهانی زیاتر لە 250 پەلامارداین وەبان چەودیاریە تەندروسیەیل لە غەزە و لای خوەرئاوا پشتڕاس کردیە، لە وەختیگ 25 پەلامارداین وەبان دامەزراوەیل چەودیاری تەندروسی ئیسرائیل بویە.
