تەندروسی جەهانی زەنگ رخبەری لە هەڵمژین وای پیس کوتێد
شەفەق نیوز/ ریخریاگ تەندروسی جەهانی، ئمڕوو دووشەممە، ئاشکرا کرد ک نزیکەی گشت دانشتگەیل جەهان وای بەدیگ هەڵمژن، و داوای چەسپانن تیکارەیلیگ فرەتر کرد ئەرا کەمەوکردن سوتەمەنی ژیرزەمینی، ک ساڵانە بوودە هووکار مردن مەلیۆنا کەس.
ریخریایەگە وتیش: ٩٩% لە دانیشتگەیل جەهان هەوایگ بەدتر هەڵمژن، و فرەجار بڕ لە پارچەیلیگ بوود ک رەسنە قۊلی سۊە، و چنە ناو رەگ و دەمارەیل، و بوونە هووکار بیماری.
و دیاری کرد ک ناوچەیل خوەرهەڵات دەریای ناوڕاس و باشوور خوەرهەڵات ئاسیا گەنترە لە خاسی واگە، ئیجا کشوەر ئەفریقا لە شۊنیان تیەێد.
خانمە دکتۆر ماریا نیرا وەڕیەوبەر بەش ژینگە و ئاڵشتبۊن کەشوهەوا و تەندروسی لە ریخریایەگە وت: دۊای قورتاربۊن لە ڤایرۆس کۆرۆنا، قەبووڵ نەکریاگە ک هەفت مەلیۆن مردن بوود توانای مقەیەتیکردن لەلی هەس، و زەرەد شمارەی بی کۆتاییگ لە ژیانکردن ئەرا ساڵەیلیگ وە تەندروسی خراو لەوەر پیسی وا.
