تەندروسی جەهانی دڵنیایی لەباوەت ئاوڵەی مەیمون دەرکەێد
شەفەق نیوز/ ریخریاگ تەندروسی جەهانی، وئاژانس تەندروسی ئەورپایی، ئمڕوو دووشەممە، وتارەیلیگ دڵنیایی لەباوەت ڤایرۆس "ئاوڵەی مەیمون' دەرکرد، ئەوەیش دویای بڵاوبوینی لە چەن دەوڵتەیگ.
رۆزاموند لویس خانمە وەڕیەوبەر ئیدارەی "ئاوڵە" لە ریخریایەگە وت: ریخریایەگە هویچ بەڵگەیگ نەیرێد لەبان ئەوە ک ئاوڵەی مەمیمون ئاڵشت بویە، وتیش: بیماریەگە لە خوەرئاوا و ناوڕاس ئەفریقا ئاڵشت نەویە.
لویس دیاری کرد ک ئاڵشتبویەیل ئی ڤایرۆسە کەمە، باوجی زنجیرەی بنچەکیی دەسمیەتی لە زانستنیگ وەشیوەیگ خاستر لەی بڵاوبوین ئیسە دەێد.
لەلای خوەییش، ناوەند ئەوروپایی ئەرا مقەیەتیکردن لە بیماریەیل وت: رخ بڵاوبوین ئی بیماری دەگمەنە لەناو مەردم فرە کەمە.
ئەندفیا ئەمون خانمە وەڕیەوبەر ئاژانسەگە وت: فرەی تویشهاتنەیل ئیسە وەگەرد نشانەیل بیماری سووکیگ بوین، و وەشیوەی گشتی ئەگەر بڵاوبوینی فرە کەمە.
