تەندروسی جەهان: ڤایرۆس کۆرۆنا وەردەوامە لە ئاڵشتبوین
2023-12-19T09:57:22+00:00
شەفەق نیوز/ ریخریاگ تەندروسی جەهانی، ئمڕوو سێشەممە، راگەیان ڤایرۆس کۆرۆنا وەردەوامە لە پووڕانن خوەی وەرد ئایەم و هەمیش وەردەوامە لە ئاڵشتبوین.
مێلیتا فوینوفیتش نوێنەر ریخریاگ تەندروسی جەهانی لە رووسیا لە گفتوگویگ وەرد ئاژانس خەوەری نۆفوستی رووسی راگەیان: "ڤایرۆس کۆرۆنا وەرجە چوار ساڵ ئاشکەراکریا و تا ئیسە وەردەومە لە بڵاوبوین، ئاشکەراس ڤایرۆسەگە خوەی وەرد ئایەم پووڕانیە ئەرا وەردەوام بوین لە مەنینی، بویەسە هووکار بیماریەیل هەناسەدانەیل ترەک لە مەوقەی بڵاوبوین "کۆڤید 19" وەرد دەسوەپیکرد وەرز زمسان لە ئەوروپا و ئاسیا، هەرچەن ڤایرۆس کۆرۆنا ها لە نووبوین و بڵاوەوبود لە ناوچەیل فراوانیگ و بوودە هووکار تویشهاتن سەختیگ و مردن".
وتیش، نیمەی وڵاتەیل زانیاریەیلیان لەباوەت چارەسەرەیل ناو خەسەخانەیلیان پێشکەش وە رێکخریاگ تەندروسی جەهانی کەن، تویشهاتن زیاییگ وەخوەیەو دیە وە تایوەت لەفنلەندا و سلوفاکیا و ئیتالیا.
وتیش: ئسفایکردیمنە تا ئیسە ئێ ڤایرۆسە ئاڵشتبوود و زندگیمان بەدەوکەێد.
