تەقینەوەی گەورەیگ لەناو گردەوبوین رووژنامەوانەیل لە مەزار شەریف
2023-03-11T08:34:55+00:00
شەفەق نیوز/ میدیایل راگەیانن ئەفغانستان، ئمڕوو شەممە، خەوەردان لە زەخمداری چەن کەسیگ وە تەقینەوەی گەورەیگ مەوقەی گردەوبوین رووژنامەوانەیل لە شار مەزار شەریف لە ویلایەت بەلخ باکوور ئەفغانستان.
رووژنامەی "تلوع نيوز" ئەفغانی وت: تەقینەوەگە گردەوبوین رووژنامەوانەیل و زانایل ئیانی و بڕیگ لە وەرپرسەیل ناوخوەیی کردە ئامانج.
وتیش: زەخمدارەیل ئەرا خەسەخانە بریان.
یەیش دویای تەنیا دوو رووژ لە کوشیان داوود مزمل وەرپرس ویلایەت بەلخ باکوور ئەفغانستان تیەێد، لە ئەنجام تەقینەوەی بومبیگ لە بارەگاگەی، وەگەرد وەرپرسیگ لە بزووتنەوەی تاڵیبان.
ریخریاگ داعش تیرۆرست، پەلامارەیلی لە چەن شوینیگ لە ئەفغانستان جیوەجی کەێد، وەتایبەت لە کابوڵ پایتەخت.
