تەقینەوەی نوویگ نزیک باڵیۆزخانەی ئیسرائیل لە دانیمارک

شەفەق نیوز / پولیس کۆپنهاگن راگەیان کە  رممەی تەقینەوەیگ وەخت شەو وەدویری 500 مت باڵیۆزخانەی ئیسرائیل له دانیمارک بویە، دویای پەنج رووژ له رویدان پەلاماریگ هاوشیوه لە شان ئی نوێنەرایەتی دیپلۆماسیه.

 ترین مۆلەر وەرپرس پۆلیس کۆپنهاگن ئەرا رووژنامەنویسەیل وت: "بیگومان تەقەلا دیمن بزانینن ئایا پەیوەندی وەو رویداوەگە دیرێد کە لە باڵیۆزخانەی ئیسرائیل رویدا یا نە".

وتیش: "هویچ چشتیگ نییە نشانەی ئەوە بەێد"، وتیش؛ بیگومان رممەگە هن تەقەکردن بویە.

چوارشەممەی گوزەشتە پولیس دانیمارک دووپات کرد کە لێکۆڵینەوە لە دوو تەقینەوە کەن کە لە نزیک باڵیۆزخانەی ئیسرائیل لە کۆپنهاگن بویە.

پۆلیس لەبان پلاتفۆرم ئێکس وت: "کەسیگ زەخمدار نەویە، ئیمەیش لێکۆڵینەوەی سەرەتایی لە شوینەگە کەیمن."

وتیش؛ لێکۆڵینەوە لە ئەگەر پەیوەندی داشتنی وە باڵیۆزخانەی ئیسرائیلەە لە ناوچەگە کریەێد.

وەگورەی ئاژانس ڕۆیتەرز، پۆلیس دانیمارک راگەیان کە دویای ئەوەگ دوو تەقینەوەگە لە نزیک باڵیۆزخانەی ئیسرائیل رویدا، 3 کەس دەسگیرکریان.