تەقینەوەی کڕ لویلەی گاز "نۆرد ستریم" لەژیر دەریا
2022-09-27T14:41:43+00:00
شەفەق نیوز/ زانایل زەویلەرزە لە دانیمارک و سوید، تەقینەوەیل وەهازیگ وەرجە نزەکردن گاز لە کڕ لویلەی گاز نورد ستريم توومار کردن، لە وەختیگ کیێڤ توومەتبار مۆسکۆ کرد ک دەسی هاناو ئەو رویداوە.
وەگورەی ناوەند نیشتمانی سوید ئەرا زانستەیل زەویلەرزە لە زانکۆی ئۆبسالا: بیگومان ئەوە تەقینەوە بویە، وتیش: دوو تەقینەوە لەژیر دەریا توومار کریا، وەرجە نزەکردن گازەگە.
سوپای دانیمارک لە بنەمای وینەیلیگ راگەیان ک سێ نزەکردن گەورە لە کڕ لویلەیل گاز نۆرد ستریم ١ و ٢ لە دەریای بەلتیق لە بان ئاوەگە لە رووژ سێشەممە هاتە دەر، و خڕەیلیگ لە ٢٠٠ تا یەک هەزار مەتر دروس کردن.
تا ئیسە هووکار نزەکردن ئەو گازئە لە دوو شوین لە کڕ لویلەی نۆرد ستریم نەزانیایە ک روسیا وە ئەڵمانیا لە دەریای بەلتیق بەسێد.
