تەقینەوەیلیگ لە دیمەشق و کابوڵ
2021-10-20T07:27:43+00:00
ئاژانس خەوەری سوریا "سانا" خەوەردا لە تەقینەوەی تیرۆری وە دوو بومب دانریاگ لە مەوقەی رەدبۊن پاس گەورەیگ سەروە سوپا لەلای پوڵ رەئیس لە دیمەشق پایتەخت بۊیە هووکار ١٣ کوشیان و ٣ زەخمدار.
"سانا" باس کرد ک یەکەمین ئامارەیل تەقینەوە تیرۆریەگە بۊیە هووکار ١٣ کوشیان و ٣ زەخمداری، وتیش لایەنە پەیوەندیدارەیلە بومبیگ سێەم لە خود شۊنەگە چەکانن.
لە چینیگ تر، میدیایل راگەیانن ئەفغانستان، خەوەردان ک تەقینەوەی گەپیگ کابوڵ پایتەخت، شەوەکی ئمڕوو، لەرزان، و بۊیە هووکار کەفتن قوربانی.
ئاژانس ئامانج نیوز ئەفغانی وت^ تەقینەوەگە لە وەردەم بنکەی پۆلیس سنوور بۊی. وەزارەت ناوخۆ وت: کابراییگ نەناسریاگ نارژجەیگ وەشانە بان ماشینیگ سەروە ئەندامەیل بزووتنەوەی تاڵیبان.
وەزارەتەگە دووپات کرد ک دووان لە تاڵیبان زەخمدار بۊن.
